အနုပညာနှင့် သိပ္ပံပညာ တို့သည် တစ်ခုနှင့် တစ်ခု အမှီသဟဲ ပြုနေပါသလား? ဥာဏ်အလင်း ခေတ် (ရီနေဆန်းခေတ်) သို့ရောက်အောင် စွမ်းဆောင်ခဲ့သော အတွေးအခေါ် ပညာရှင်များ၊ အနုပညာရှင်များ၊ အသက်သွေးချွေးများက ထိုဆက်စပ်မှုကို အခိုင်အမာ သက်သေခံလျက် ရှိသည်။ သုတေသန ဗဟိုဌာနများ ပေါ်ထွန်းလာပြီး လူတို့၏ နေထိုင်မှု ဘဝနှင့် စဉ်းစားတွေးခေါ်ပုံတို့ စနစ်တကျ ပြောင်းလဲလာခဲ့သည်။ ထို့အပြင် တွေ့ဆုံဆွေးနွေးပွဲများ၊ စူးစမ်းလေ့လာမှုများ၊ သုံးသပ်ဆင်ခြင်မှုများကလည်း ကျွန်တော်တို့၏ လူ့သမိုင်း ယဉ်ကျေးမှုကို ထွန်းကား တိုးတက်အောင် အထောက်အကူ ဖြစ်စေသည်။ သိပ္ပံပညာရှင်များ၏ သုတေသနပြုချက်များနှင့် အသစ်တီထွင် စမ်းသပ်မှုတို့ကို အနုပညာရှင်တို့က အခြေခံ သဘော သိရှိနားလည်ရန် လိုအပ်သလို အနုပညာရှင်တို့၏ စွမ်းဆောင်ချက်များ အသစ်ဖန်တီးမှုတို့ကိုလည်း သိပ္ပံပညာရှင်နှင့် စက်မှု ပညာရှင်တို့က ခံစား နားလည်နိုင်စွမ်း ရှိရန်လည်း လိုအပ်ပေသည်။ တဖန် အရာရာစူးစမ်း ဆင်ခြင်လိုစိတ်များကလည်း စက်မှုသိပ္ပံ ဆိုင်ရာများသာမက ယဉ်ကျေးမှု ကိုလည်း ဖွံ့ဖြိုး တိုးတက် စေခဲ့သည်သာ ဖြစ်သည်။
အနုသုခုမ ဆိုင်ရာ ခြယ်မှုန်း ပုံဖေါ်မှုများနှင့် သီအိုရီ အတွေ့အကြုံများ၊ လက်တွေ့ အသုံးချ လုပ်ဆောင်ချက်များနှင့် စုစည်း၍ ကမ္ဘာကြီးကို အတူတကွ အလှဆင်နေကြသည်သာ ဖြစ်ပါသည်။ ထိုသို့ တစ်ခုနှင့်တစ်ခု အညမည ဆက်စပ် လုပ်ဆောင်မှုများကြောင့် ကျွန်ပ်တို့ မထင်မှတ်ထားသော အသစ်တီထွင် ဖန်တီးမှုများ နေ့စဉ် အဆက်မပြတ် ပေါ်ထွန်းလျက်ရှိသည်။ ၄င်းအပြင် ယုတ္တိဗေဒ သဘောအရ လူတို့၏ တွေးခေါ် ဆင်ခြင်မှုတွေ၊ သုခုမ အနုပညာတွေ၊ ပြောဆို ဆွေးနွေးပုံတွေကိုလည်း တိုးတက်အောင် လူသားတို့၏ ယဉ်ကျေးမှုက အပြန်အလှန် အနေဖြင့် အထောက်အပံ့ပြုနေသည်သာ ဖြစ်ပါသည်။
စက်မှု သိပ္ပံ ပညာတို့နှင့် ယဉ်ကျေးမှုတို့အားလုံး တစ်သားတည်း နီးကပ်လျက် ခွဲမရနိုင်အောင် ဒွန်တွဲလျက် ရှိသည်။ စက်မှုဆိုင်ရာ ဖန်တီးမှုတို့တွင် ယုတ္တိဗေဒ သဘောအရ အပြန်အလှန် ဆက်စပ်မှုများ၊ ဖြစ်နိုင်ခြေများ ကို မေးခွန်းထုတ် အဖြေရှာနေခြင်း သည်ပင်လျင် ကျွန်ပ်တို့ လူသားများအတွက် သုတေသန တစ်ခုပင် ဖြစ်သည်။ အဆုံးမတော့ အမျိုးမျိုးသော စူးစမ်းလေ့လာမှုတွေ၊ တွေးခေါ်စိတ်ကူးမှုတို့ နှင့် ယဉ်ကျေးမှု အဖွဲ့အစည်းများ ပူးပေါင်း လုပ်ဆောင်နိုင်မှုကြောင့် သုတေသန လုပ်ငန်းများ ပိုမိုကျယ်ပြန့်လာရခြင်း ဖြစ်သည်။
ထို့ကြောင့်လည်း လူမှု ဆက်ဆံရေး ပညာရှင်များ က (သတင်းလူ့အဖွဲ့အစည်း)ကို တီထွင်ဖန်တီးမှုတွေ၊ အဆင့်ဆင့် ပြောင်းလဲမှုတွေ၊ စိတ်ကူး ပုံဖေါ်မှုတို့နှင့် ပြည့်လျှံနေရုံသာမက ငွေရေးကြေးရေးဆိုင်ရာ လူနေမှု ဘဝနှင့် ယဉ်ကျေးမှုတို့၏ ဗဟိုဌာန အဖြစ်လည်း အဓိပ္ပါယ် ဖွင့်ဆိုကြသည်။ ၂၁ ရာစု အစမှာတော့ ယဉ်ကျေးမှုနှင့် စက်မှုသိပ္ပံဆိုင်ရာ အချက်အလက်တို့ အတွက် သတင်းအနုပညာ သည်လည်း အသက်သွေးကြော ဖြစ်လာသည်။
ထို့ကြောင့် ယနေ့ ကမ္ဘာတွင် ကျွန်ပ်တို့ လူသားများအတွက် ယဉ်ကျေးမှုအပေါ် လွှမ်းမိုးနိုင်စွမ်းရှိသော သိပ္ပံနှင့် အနုပညာ လုပ်ငန်းများ တိုးတက် အောင်မြင်လာအောင် သတင်းအနုပညာ ကသာလျှင် လုပ်ဆောင်နိုင်ပေတော့သည်။
ဖိုးနေ