မနေ့က စာရွက်စာတမ်းတွေ သွားလုပ်ရင်း ရုရှ ဆရာတစ်ယောက်က အင်္ဂလိပ်လို စကား လာပြောပါတယ်။ များသောအားဖြင့် ရုရှက ဆရာတွေဟာ သူတို့ဘာသာကလွဲရင် ကျောင်းမှာ အခြားဘာသာနဲ့ ပြောခဲပါတယ်။ တကယ်က ရုရှလူမျိုးတွေဟာ ဂျာမာန်နဲ့ ပြင်သစ် ဘာသာစကားကို Second Language အနေနဲ့ သင်ကြတာများပါတယ်။ ခုနောက်ပိုင်းမှ English ကို ပိုပြီး သင်လာကြတယ်လို့ ထင်မိပါတယ်။ ခုနက ဆရာကတော့ အင်္ဂလိပ်လို မွှတ်နေအောင် ပြောတတ်ပါတယ်။
အစတော့ သူက အင်္ဂလိပ်လို မေးလိုက် ကျွန်တော်က ရုရှလို ဖြေလိုက် လုပ်နေမိပါတယ်။ တော်တော်လေးကို အူကြောင်ကြောင်လဲ နိုင်ပါတယ်။ ကျွန်တော်က ရုရှလို သိပ်ကျွမ်းတဲ့ သူတော့ မဟုတ်ပါဘူး။ ဒါပေမယ့် ကောင်းကောင်းတော့ နားလည်ပါတယ်။ ရုတ်တရက်ဆို ရုရှလို ပြောပြော၊ အင်္ဂလိပ်လိုပြောပြော အတူတူပဲ လို့တောင် ထင်နေမိပါတယ်။ ဒါကြောင့် အကျင့်ရနေတဲ့ ရုရှ ဘာသာနဲ့ ပဲ ပြန်ပြောဖြစ်နေတာပါ။ ကျွန်တော့်ကို ရုရှလို မပြောတတ်ဘူးများ ထင်လို့ အင်္ဂလိပ်လို လာပြောနေတာလားလို့ လဲ စဉ်းစားနေမိပါတယ်။ တော်တော်ကြာမှ တမင် လာပြောနေမှန်း ရိပ်မိလာပါတယ်။ ဒါကြောင့် ကျွန်တော်လဲ အင်္ဂလိပ်လို ပြန်ပြော လိုက်ပါတယ်။
ပြဿနာက အဲဒီမှာ စတာပါပဲ။ အွန်လိုင်းမှာ အင်္ဂလိပ်လို စာရိုက်ပြီး ချက်တက်တုန်းက အခက်အခဲ မရှိပေမယ့် ခုလို စကားနဲ့ပြောတော့ ရုရှလို စကားလုံးက ခေါင်းထဲ အရင်ရောက်ရောက်လာပြီး အင်္ဂလိပ်လို တစ်ဝက်၊ ရုရှ လို တစ်ဝက်နဲ့ ဒုက္ခရောက်နေပါတော့တယ်။ ၆ နှစ်လောက် ကင်းကွာနေတဲ့ အင်္ဂလိပ်ဘာသာစကားကို သေသေချာချာ ပြန်လေ့လာမှပဲ ဖြစ်တော့မယ် ဆိုတာကိုလဲ သဘောပေါက်လာပါတယ်။ ဒါကြောင့် http://english4success.blogspot.com ရယ် http://www.bbc.co.uk/worldservice/learningenglish ရယ် ebooks တစ်ချို့ရယ်ကို ပြန်ပြီး လေ့လာ နေရပါတယ်။ အဲဒီလို လေ့လာနေတဲ့ ထဲက တစ်ချို့ ကို မှတ်စု ထုတ်ရင်း ဒီမှာ publish လုပ်ထားချင်ပါတယ်။ မှားနေတာလေးတွေ ရှိရင်လဲ ပြင်ဆင် ထောက်ပြ ပေးကြပါလို့ မေတ္တာရပ်ခံပါတယ် ခင်ဗျား။
ပထမဆုံး ဘီဘီစီက Teacher series ထဲက ခြေထောက်နဲ့ ဆိုင်တဲ့ Idioms လေး ၃ ခုနဲ့ စလိုက်ရအောင်။
1. I’ve got itchy feet.
In English, if you have a strong feeling that you’d like to travel, we say “I’ve got itchy feet”.
ငါ့ခြေထောက်တွေ ယားနေတယ် လို့ တိုက်ရိုက်ဘာသာပြန်လို့ ရပေမယ့် တကယ့်ဆိုလိုရင်းက ခရီးထွက်ချင်တဲ့ ဆန္ဒတွေ အရမ်းပြင်းပြ နေတာကို ပြောချင်တာဖြစ်ပါတယ်။
2. I got cold feet.
In English, if we make a plan, but then decide not to do it because we are too nervous we say “I got cold feet”.
ငါ့ခြေထောက်တွေ အေးနေတယ် လို့ ပြောချင်တာ မဟုတ်ပါဘူး။ ကိုယ်လုပ်မယ်လို့ ကြံစည်ထားတဲ့ အလုပ်တစ်ခုကို စိတ်လှုပ်ရှားလွန်းလို့ မလုပ်တော့ဘူးလို့ ဆုံးဖြတ်လိုက်တဲ့ အခါမျိုးမှာ “I got cold feet” လို့ သုံးတတ်ကြပါတယ်။
3. I shot myself in the foot!
In English, if you do something that ruins a situation for you, we say “I shot myself in the foot”
သေနတ်နဲ့ ကစားမိလို့ ကိုယ့်ခြေထောက်ကို ကိုယ်ပြန်ပစ်မိတာ မဟုတ်ပါဘူး။ ကိုယ့်ကိုယ်ကို ဒုက္ခရောက်မယ့် အလုပ်မျိုး လုပ်မိခဲ့တာကို တင်စားပြီး I shot myself in the foot! လို့ ပြောလိုက်တာပါ။
ဒီတစ်ခေါက်တော့ ဒီလောက်ပါပဲ။ လေ့လာသူများ အကျိုးများကြပါစေ ခင်ဗျာ။
ဘလူးဖီးနစ်
၅-၁၂-၂၀၀၈
၀၈-၁၉ မနက်ခင်း
အကိုးအကားများ